Okuw döwründe dil öwrenmek tejribesi
Uniwersitetleriň köpüsi talyplar we ýerli ýaşaýjylar üçin arzan bahadan dil kurslaryny hödürleýärler. Şonuň üçin gymmat bahaly hususy sapaklara başlamazdan ozal uniwersitetiňiziň häzirki zaman daşary ýurt dilleri institutyna göz aýlaň. Şeýle hem, okuw toparynyň tertibi ýa-da bir derslere ýazylmak barada bildiriş bar bolsa, bildiriş tagtalaryny barlamagy ýatdan çykarmaň.
Okaýan wagtyňyz, meýilnamaňyzy täzeden düzmek has aňsat, şonuň üçin dil alyş-çalyş hyzmatdaşy bilen duşuşyp, bu pursatdan peýdalanyň. Iň gowusy, duşanyňyzda iki dilde deň gürläp bilmek üçin ene diliňizi öwrenýän birini taparsyňyz. Meňzeş gyzyklanma bildirýän birini gözläň, şonda bu adam ömürboýy dost bolup biler! Halkara uniwersitet şäherçesinde-de dilleri öwrenýän birini tapmagyň käwagt kyn bolup biljekdigini bilýäris. Emma, häzirki zaman tehnologiýasy bilen, kimdir birini gözlemek we ýygnak geçirmek hökman däl. “Tandem” programmasy birnäçe sekundyň içinde size laýyk dil hyzmatdaşyny tapar. Okuw maksatlaryňyza laýyk hyzmatdaşlary tapmak üçin hasaba alnandan soň süzgüçleri ulanyň. Iň gowy tarapy, derrew ýoldaşyňyz bilen söhbetdeşlige ýa-da wideo söhbetdeşligine başlap bilersiňiz. Salgydan ugur alyp, programmanyň nähili işleýändigi barada has giňişleýin maglumat alyň.
Tandem-den başga, Duolingo ýa-da Memrise ýaly dürli mugt söz programmalary has köp sözleri ýa-da ýönekeý grammatika düzgünlerini ýatda saklamaga kömek edip biler. Şeýle programmada günde 15 minut sarp etseňiz, sözleri öwrenmegiň bu prosesi diňe bir ünsüňizi çekip bilmez, aslynda täsirli bolup biler. Emma bu programmalar ýeterlikdir öýdemok. Diňe gürläp başlanyňyzda hakykatdanam ösüşiňizi görersiňiz.
Ogulnur HAÝYDOWA,
Döwletmämmet Azady adyndaky Türkmen
milli dünýä dilleri institutynyň Rus dili we
edebiýaty fakultetiniň 4-nji ýyl talyby.
