DÜNÝÄ DILLERINDE ŞYGRYŇ PYRAGY
Tomusky dynç alyş möwsümidigine garamazdan mekdep okuwçylarymyz häli-şindi mähriban mekdeplerine jemlenip, dürli gyzykly çäreleriň geçirilişine gatnaşýarlar. Ýaňy-ýakynda Balkan welaýatynyň Bereket etrabynyň 20-nji orta mekdebiniň kitaphanasynda mekdep okuwçylary bilen Magtymguly Pyragynyň poeziýa günlerine bagyşlap, «Dünýä dillerinde şygryň Pyragy» atly labyzly okaýyş çäresi geçirildi. Bu çärede Hormatly Prezidentimiziň «Magtymguly – dünýäniň akyldary» atly kitabyndan bölekler, Magtymguly Pyragynyň eserlerinden şygyrlar labyzly okalyp, aýdymlar ýerine ýetirildi. Nusgawy edebiýatymyza, milli mirasymyza bolan guwanç duýgusy bu çärä gatnaşyjylarda ýakymly täsir galdyrdy.
Türkmenistanyň Bilim ministrligi
