Täzelikler

15 04 2025

Ýokary bilimi ösdürmeklik boýunça halkara hyzmatdaşlygy

2025-nji ýylyň 15-16-njy aprelinde Pakistan Yslam Respublikasynyň Yslamabat şäherinde Ykdysady Hyzmatdaşlyk Guramasynyň, Pakistan Yslam Respublikasynyň ýokary bilim komissiýasynyň we Ykdysady Hyzmadaşlyk Guramasynyň Bilim Institutynyň gurnamagynda Ykdysady Hyzmatdaşlyk Guramasyna agza döwletleriň sebitinde ýokary bilimi ösdürmek boýunça 1-nji bilermenler toparynyň duşuşygy geçirildi. Bu duşuşyga wekil hökmünde Türkmenistanyň Bilim ministrliginiň wekili Haşyrow Berdinazar gatnaşdy. Bu duşuşyga ýurdumyzyň wekili bilen birlikde gurama agza döwletleriň ählisinden wekiller hem-de Pakistan Yslam Respublikasynda ýerleşýän halkara guramalaryň wekilleri gatnaşdylar. Bu ýokary derejede geçirilen duşuşygyň esasy maksady Ykdysady hyzmatdaşlyk guramasyna agza döwletleriň sebitinde ýokary bilimi ösdürmegiň ýol kartasyny we öňde goýlan maksatlara ýetmek üçin gurama agza ýurtlaryň sebitinde ýokary bilimiň halkaralaşmagyny gazanmak maksady bilen 2025-2030-njy ýyllar üçin meýilnamany işläp düzmekden ybaratdyr. Bu duşuşyga gatnaşyjylar ýokarda bellenilip geçilen meseleler boýunça pikir alyşmalary geçirdiler we bu resminamalar duşuşyga gatnaşyjylar tarapyndan biragyzdan goldanyldy. Netijede Ykdysady hyzmatdaşlyk guramasynyň çäklerinde ýokary bilimi ösdürmek boýunça degişli guramaçylyk işlerine badalga berildi.

Paýlaş

Salgymyz:

 Aşgabat, Magtymguly şaýoly 136.




Telefon belgiler:
+993 12 36-19-25
Email:
iicmet@online.tm