Talyplaryň arasynda rus dili boýunça sanly bilim portaly arkaly bäsleşik geçiriler
7-nji aprelde Döwletmämmet Azady adyndaky Türkmen milli dünýä dilleri instituty ýurdumyzyň ýokary okuw mekdepleriniň talyplarynyň arasynda Sanly bilim portaly arkaly, uzak aralykdan «Dil baýlygy — il baýlygy» atly rus dili boýunça II bäsleşigi geçirer.
Bäsleşikde talyplara 10 sany ýumuş hödürlener, onuň ýerine ýetirilmegine 60 minut wagt berler. Bäsleşige her ýokary okuw mekdebinden 5 sany talyp gatnaşyp bilýär. Her bir ýokary okuw mekdebinden gatnaşjak talyplaryň sanawy ýokary okuw mekdebiniň ýolbaşçysy tarapyndan tassyklanyp, guramaçylyk toparyna olympiada.tmddi@gmail.com elektron salgysyna 25 — 31-nji mart aralygynda ugradylmaly.
Bäsleşikde alan ballaryna görä, I, II, III ýerleri eýelän ýeňijiler Hormat hatlary bilen sylaglanar.
Habarlaşmak üçin tel.: (+993 65) 55-13-04.
E-poçta: olympiada.tmddi@gmail.com
Çeşme: https://salamnews.tm/section/ylym-bilim/bilim/talyplaryn-arasynda-rus-dili-boyunca-baslesik-yglan-edildi-8a9c4e
